2024 жылғы 16 ақпан күні ауа райының қолайсыздығына байланысты бірінші ауысымның 0-11 (12)сынып оқушылары және колледждердің 1-2 курстың студенттері (9 сынып базасында) қашықтан оқыту форматына ауыстырылады.
2024 жылғы 16 ақпан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады.
Мектебімізде «Жас маман-жаңа көзқарас» атты жас мамандарға арналған сайысы өтті. Жас педагогтердің өзін-өзі жетілдіруге және әлеуметтік шығармашылығының дамуына жағдай жасау, білім беру жүйесін дамытуға кәсіби көзқарастарын қалыптастыру мақсатында өткізілген іс-шарамыз өз мақсатына жетті. Жас мамамандар апталығында жас педагогтеріміз ашық сабақтарын, сыныптан тыс іс-шара, портфолиоларын ұсынды. Сайыс барысында өз өнерлері мен шығармашылық тақырыптарын қорғады. Мектеп әкімшілігі әділ бағаларын беріп, жас мамандарымызды марапаттады. Нәтижесінде бас жүлде Бақытқалиқызы Аружан, 1 дәрежелі дипломмен Амангелді Қарақат, ІІ дәрежелі дипломмен Боққонова Гүлнұр, ІІІ дәрежелі дипломмен Махамбетджанова Гульнур мен Көшербай Жансая иеленді. «Креативті ұстаз» номинациясымен Салыков Даурен, «Талантты ұстаз» номинациясымен Ғани Карима, «Құзыретті ұстаз» номнациясымен Шарапиден Айқыз, «Шығармашыл ұстаз» номинациясымен Жуматаева Айнұр марапатталды. Жеңістеріңіз құтты болсын! Алар асуларыңыз биік болып, еңбектеріңіз жана берсін!!!
04 сәуірде “Адамгершілік педагогикасы” негізінде ұстаздар арасында брифинг ұйымдастырылды. Қатысушыларға танымдық ақпарат беріліп, ИҚК мамандары тарапынан тренинг жүргізілді. Сонымен қатар тыңдаушылар инклюзивті білім алушының жағымды тұстарын тану мақсатында ұйымдастырылған тақырыптық воркшопта жұмыс жасады.
ҚР БжҒМ-ң 16.10.2018 жылғы № 564 бұйрығына сәйкес, бірінші сыныбына қабылданатын балалардың ата-аналарынан немесе өзге де заңды өкілдерінен құжаттарды қабылдау ағымдағы күнтізбелік жылдың 1 сәуірінен бастап 31 тамызына дейін жүзеге асырылады. 1-сыныпқа осы жылы 6 жастағы және 6 жасқа толатын балалар ата-анасының немесе білім алушылардың заңды өкілінің жеке өтініші негізінде қабылданады. Бұл – мемлекеттік қызмет көрсету нысаны болып табылады.
2024 жылдың 28 ақпан күні Астана қаласы әкімдігінің «Әдістемелік орталығы» МКҚК мен №89 мектеп-лицей ұйымдастыруымен жаратылыстану пәні сабақтарын зерттеу, зерделеу жұмыстарымен ұштастырып, ұлттық құндылықтарды дәріптеу мақсатында «Заманауи сабақ- педагогтің кәсіби өсуінің көрсеткіші» тақырыбында Республикалық семинар өтті. Бұл шараның құрметті қонақтары Ы.Алтынсарин атындағы Ұлттық білім академиясы, Әдістемелік орталығы мен Астана, Талдықорған, Түркістан қалаларының жоғары оқу орындарының өкілдері болды. Семинардың практикалық бөлімінде №89 мектеп-лицей мен 11 республика мектептерінің педагогтері жаратылыстану пәнінен онлайн- «телекөпір» сабақтар өткізіп, іс-тәжірибе алмасты.
2024 жылдың 22 ақпан күні Астана қаласының «Әдістемелік орталығы» МКҚК жылдық жоспарына сәйкес №89 мектеп- лицейінде ерекше білім беру қажеттілігі бар оқушыларды сүйемелдеуде педагог-ассистенттердің рөлін анықтау мақсатында қала мектептерінің педагог- ассистенттеріне арналған «Ерекше білім беру қажеттілігі бар оқушыларды педагог-ассистенттердің сүйемелдеуі» тақырыбында семинар өтті. Семинар барысында №89 мектеп- лицей педагогтері ерекше білім беру қажеттіліктері бар оқушылармен жұмыс жасаудағы озық педагогикалық іс- тәжірибелерімен бөлісіп психологиялық тренинг, практикалық жұмыстар жүргізді.
Астана қаласы әкімдігінің « № 89 мектеп-лицейі» ШЖҚ МКК 2024 жылдың 20 ақпанда өткен бос орындарға жарияланған конкурс отырысының нәтижесі бойынша қабылдануға ұсынылған мұғалімдер тізімі:
